por 
Ez dago zalantzarik. Aurtengo faborituen artean daude Antso eta Aranguren. Lehen partidan aise samar nagusitu zaizkie Mata eta Ibarlozari: 22-12. Antsok arerio gogorrak behar ditu bere maila erakusteko. Gaur ez du horrelakorik izan. Aitor Aranguren iazkoa baino joko askozaz hobeagoarekin plazaratu da aurten Antiguan. Gainditu du iazko motelaldia. Hasiera batean Mata-Ibarlozak estutuko zituztela zirudien, baina ez da inondik horrelakorik gertatu. Markagailuak zintzo islatzen du pilota-plazan gertatu dena.
Bigarren partida zuten Prieto-Madariaga mungiarrek, eta bigarren puntuaren jabe egin dira inork uste baino bide erosoagoan. Asko jokatu behar da 23 urteko pilotariok menderatzeko. Prado eta Aizpuruk nahiko aise galdu dute trena, eta beti atzetik ibili dira. Azkenan: 22-13. Aurrerapauso handia eman dute, eta lasaitasuna ekarri behar diena. Prieto trebea da guztiz tantoa bukatzerakoan, eta Madariaga jotzaile handia ez den arren, segurua da oso. Ilusioz beterik itzuli dira Mungiara.
