HASIERA GUSTAGARRIA AURTENGO TXAPELKETARENA

Zertzelada sorta bat lehen partiduak marrazteko
Madariaga-Prieto bizkaitarrak
Nagusietan gaurko irabazleak: Madariaga-Prieto bizkaitarrak.

Gaurko partiden ezaugarri nagusia berdintasuna izan. Oso azken unean erabaki da zeintzu izango ziren irabazle eta zeintsu galtzaile.

Ez dira punta-puntako partidak izan,erabat borobilak, baina, oro har, gauza politak erakutsi dituzte protagonistek. Promesetan, Alberdi gauza asko egin nahi izan ditu, eta espero baino hutsegite gehiago egin du; tanto bikainak ere. Bigarrenen, une batez Adonis-Sarasa irabazle behar zutela pentsatu izan dugu, baina Prietok eraso-kontuetan ausarta dela erakutsi du, Madariagak ongi lagundurik. Continuar leyendo “HASIERA GUSTAGARRIA AURTENGO TXAPELKETARENA”

36 pilotari Antiguako 69.Pilota Txapelketan

Jesus Mari Rubiok aurreratu duenez, 36 pilotari izango dira aurtengo Txapelketan parte hartuko dutenak Antiguan, uztailaren 11tik abuztuara 27ra bitartean.

Antiguako txapelketa
Exposito Hodei eta Salaberria Iker. 2016. Beroketak egiten.

Aurreko urteetan baino kopuru txikiagoa da, eta horren arrazoia nahiko ezaguna da pilotazaleen artean. Azken bi urteotan amateur askori heldu zaio profesional mailara igotzeko aukera. Hamazazpi-hemezortzi bat badira gutxienez enpresen deia jaso dutenak.

Continuar leyendo “36 pilotari Antiguako 69.Pilota Txapelketan”

EKAINAREN 27an AURTENGO TXAPELKETAREN AURKEZPENA

Gero eta hurbilago daukagu txapelketa, eta ,urtero bezala, aurkezpena egingo da aurten ere. Ekainaren 27an, arratsaldeko 7etan hasiko da, Antiguako merkatuan. Ohitura duenez, Eneko Goiak, Donostiako Alkateak aurkezpenean parte hartzeko asmoa erakutsi du. Honekin batera, aurtengo xehetasun guztien berri ematea Jesus Mari Rubiok egingo du Antiguako Pilotazaleak elkartearen izenean.

Continuar leyendo “EKAINAREN 27an AURTENGO TXAPELKETAREN AURKEZPENA”

EMAKUMEZKOEN TXAPELKETA LEHENDABIZIKOZ ANTIGUAN

Esaten dute, animaliarik handienak ez baino egoera berrietara egokitzen direnak aurrera egiten dute oihanean, nahiz eta txikiak izan. Horrelako zerbait gertatzen da Antiguako Txapelketarekin ere. Aurtengoarekin 69.urtera doa Gipuzkoako txapelketa guztien artean urtetsuena den hau. Arrazoia  begien bistan dago. Besteak beste, aldi berrietara moldatzen jakin duelako.

Bidezidor horretan,2017ko lehiaketak urrats berria emango du garaiak eskatzen duenera egokitzeko. Emakumezkoen txapelketa jokatuko da lehendabizikoz. Batzorde batek aukeratutako lau hoberenak jardungo dira Antiguako pilotalekuan. Banakako txapelketa izango da. Abuztuaren 23 eta 24an jokatuko diren finalerdietan ezagutuko ditugu finalistak. Continuar leyendo “EMAKUMEZKOEN TXAPELKETA LEHENDABIZIKOZ ANTIGUAN”

Uztailaren 11an ekingo zaio Antiguako Txapelketari

Dagoeneko erabakita dago aurtengo egutegia. Lehenengo partiduak uztailaren 11an hasiko dira, abuztuaren 27an bukatzeko. Iazkoak bezala, 69. edizio honek ere 19 jaialdi eskainiko ditu. Halaz guztiz, lehiaketa egitura aldatu egin da, eta horren berri ondoko egunetan emango dugu.

Aste-egunei dagokienean, betiko usadioari helduko zaio: partiduak astearte-asteazken-ostegunetan jokatuko dira, gehienetan.

Egutegia hauxe da: Continuar leyendo “Uztailaren 11an ekingo zaio Antiguako Txapelketari”

Pilotarien argi-itzalak lehen astean

Lehenbiziko asteak ez ditu pilotarien karta guztiak mahairatzen, baina puntu batzuk argitzen ditu. Zein dagoen jokoan eta zein ez, nortzuk izan daitezkeen aurrera egin dezaketenak eta txapelketari  uko egin beharko diotenak; eta alderdi positiboak bezala ezkorrak ere: nor dabilen jokoz eskas, aurrerapen gutxi nork egin dituen, nor ibili den bagoia galtzeko zorian…

Continuar leyendo “Pilotarien argi-itzalak lehen astean”

22-21 bikaina, Urretabizkaia-Garmendiaren alde

urretabizkaia-garmendia-enekolabaka-martinezAurreko jaialdiek ukatu digutena−emozioaz ari gara− gaur jokatu den azkenak eskuak bete eskaini digu. Zaleei horrelako zerbait zor zitzaien, eta bikain erantzun diete lau pilotariek: Urretabizkaia-Garmendiak eta Eneko Labaka-Martinezek. Ikusleek, zutiturik guztiak, txalo zaparrada beroarekin agurtu dituzte nola irabazleak hala galtzaileak. Bueno, galtzailerik ba al dago partida 22-21 bukatuta?

Continuar leyendo “22-21 bikaina, Urretabizkaia-Garmendiaren alde”

Emozioa noiz etorriko zain

Umezurtz gauzka emozioak. Ez dugu bere berririk Antiguako Txapelketan, oraingoz behintzat. Kronika honi ekiteko beste bide bat ere egokia izan zitekeen. Hauxe hain zuzen: Atzoko bidetik ibili dira gaurko partidak ere. Joko apur bat ikusi da, baina oso tantaka. Irabazleen nagusitasuna ez du inork zalantzan ipini, hain izan da begien bistakoa.

Continuar leyendo “Emozioa noiz etorriko zain”

Berdintasunik gabeko partidak Txapelketaren hasieran

Azken aldian maiz gertatu den bezala, ez du hasiera egokiena izan Antiguako Txapelketak, eguraldiari dagokionean. Pilotazaleak frontoira abiatu aurretik euria galanki bota du kostaldean. Donostian ere bai. Halaz guztiz, pilotazale kopuru estimagarria bilda da Antiguako aterpera, eta partida politak ikusteko irrikaz beterik gainera. Gauza politak erakutsi dizkigute pilotariek, baina orekarik gabeko partidak izan dira bata zein bestea.

Continuar leyendo “Berdintasunik gabeko partidak Txapelketaren hasieran”

Aurtengo estreineko partiduaren atarian

Astearte honetan, uztailak 12, arratsaldeko 19:00tan hasita, aurtengo Txapelketari dagokion partida jokatuko da Antiguan.

Jubenilen mailan

Zubizarreta eta Salaverri bikote gipuzkoar-errioxarrak Garcia eta Apezetxea nafarrak izango dituzte aurrez aurre. Iaz oso aurrera joan zen Zubizarreta ataundarra. Garmendiarekin pareja osaturik, gauza eder asko erakutsi zuen Zubizarretak. Finalerdietan amore eman behar izan zuen Arrizabalaga-Urizar bizkaitarren aurka. Markagailu estuagorik ez dago: 22-21. Pena zuen Zubizarretak arratsalde hartan, abuztuaren 25ean. Aurten, ondo bidean, finala jokatzea izango du amets. Ea zer nolako jokoa erakusten duen.

Nagusietan

Arratibel ataundarra eta Peru Labaka.
Arratibel ataundarra eta Peru Labaka.

 Nagusien partida ere interes handikoa da: Peru Labaka eta Olaizola, Larrañaga arabarra eta Arratibel ataundarraren aurka. Antiguako frontoira biltzen direnek badakite zein pilotari dotorea den Peru Labaka eta zein ausarta. Erakustaldi politak eskainitakoa da. Arratibel ataundarraz ere gauza asko espero da. Joan zen urtean Elordirekin jokatu zuen Antiguan. Iaz larri samar ibili zen noski eskuetako minarekin. Ea nola datorren aurten. Ikusteko gogo biziz gaude, eta bere aurrerapenak txalotzeko irrikatzen.