Antso-Aranguren eta Zubiria-Irurita, finalari begira

Enaitz Antso
Enaitz Antsok etxeko lanak egin ditu finalean parte hartzeko.

Antso-Arangurenek 22

Picote-Gaskuek 9

 

 Zubiria-Iruritak 22

Salaberria-Sánchezek 17

Serio eta beltz lan egin behar izan dute nola Zubiriak hala Iruritak bigarren puntuaren jabe egiteko. Oso modu erosoan ekin diote partidari eta aise joan dira 8-2ra; aisegi. Handik aurrera ailegatu zaizkie bide aldapatsuak, ia ustekabean. Zortzigarrenean parekatu ondoan, bederatzigarren tantotik hamalaukora Salaberria eta Sanchez izan dituzte aurretik. Eta bazirudien, gainera, Iruritak aurten erakutsi duen mottelaldirik handienak mendean hartu behar zuela. Ez da, ordea, horrelakorik gertatu. Ardatza eskuetan hartu eta poliki poliki nahi zuten bidean jartzea lortu dute Berrobiko aurrelariak  eta Lantzeko pilotari honek.

Continuar leyendo “Antso-Aranguren eta Zubiria-Irurita, finalari begira”

Expósito, Zubiria eta Irurita gaur nabarmendu direnak

Expósito-Cordónek 22  Picote-Gaskuek 13

Zubiria-Iruritak 22  Prieto-Madariagak 6

Hodei Expósito
Hodei Expósitok egoki bete ditu egitekoak

Hasi urretik, zenbaitek zalantzaz beterik  ikusten zuen gaurko partida. Kolore gorriaren aldeko iritziak ere jaso ditugu, hau da, Picote-Gaskueren aldekoak. Partidak, ordea, kolore urdina izan du unerik garrantzizkoenetan. Etorri handiaren jabe plazaratu da Hodei Expósito, eta berak egin eta askatu ditu ipini nahi izan dizkioten programa guztiak. Egia da, gaur Pablo Cordón joan den partidan baino finago ibili dela, eta tanto gutxiago galdu duela. Picote errioxarra larri antzean ibili da beretzat pilotaleku berria den honetan; ez dugu inoiz eroso ikusi. Andoni Gaskuek ere gaur baino partidu hobeak baditu Antiguan jokatuak.

Continuar leyendo “Expósito, Zubiria eta Irurita gaur nabarmendu direnak”

Antso-Aranguren eta P. Labaka-Garmendiak ongi bideratu dute lehen partida

Antso-Arangurenek 22  Egiguren-Bikuñak 14

P.Labaka-Garmendiak 22  Salaberria-Sanchezek 11

Oraindik hasi besterik ez da egin finalerdietako fasea, baina “kaixo, jaun-andereok” esan dute bikote hauek. Azken markagailuak argiro erakusten du zer gertatu den bi partidetan. Irabazleen nagusitasuna ez dago zalantzan jartzerik.

Continuar leyendo “Antso-Aranguren eta P. Labaka-Garmendiak ongi bideratu dute lehen partida”

Salaberria-Sanchezek 22 Adonis-Sarasak 18 partida estuan

Salaberria-Sánchez
Salaberria-Sánchez, irabazleak

Asko sufritutako garaipena lortu dute Goizuetakoak eta Logroñokoak gaur arratsaldean. Amaiera ederra eman dio gainera Salaberriak partidari. Besoak altza eta Uffff…luze eta barne-barnekoa atera zaio. Serio jokatu behar izan dute maila oneko bikotea osatzen duten Adonis-Sarasaren aurka. Partidua orekatua izan da lehenbiziko hamarrekoan. Erdialdetik aurrera, bentaja apurrez baina,  Adonis-Sarasa jarri dira buruan. Une batez 17-14 ere egon dira, aurretik. Hortxe egin dute ordea planto, ez atzera eta ez aurrera. Adonisek huts batzuk egin ditu azken aldian, eta hortxe ihes egin dio garaipenak.

Continuar leyendo “Salaberria-Sanchezek 22 Adonis-Sarasak 18 partida estuan”

Jokaldi bakan batzuk bai; partidarik ez

Jaialdia amaitu denean, ikusitakoaz iritzia eskatu diote pilotazale bati. Bera erantzuna oso hitz gutxitan bil daiteke: −Tanto batzuk politak izan dira, baina ez dugu pulamentuzko partidarik ikusi. Pilotazale honena ez ezik, beste askorena ere horixe izan da. Jokaldiak bai, baina partidarik ez. Horixe gaurko leloa.

Otadui
Otadui berriztarrak ez du partida borobiltzerik lortu

Nagusien partidatik hasi ezkero, Zubiriak ezker-gantxo bikain batekin egin du bere hogeitabigarren tantoa. Jendeak txalo beroak eskaini dizkio, merezi bezala. Baina ale batek ez du aletegia osatzen. Jokaldi batek ez du partida borobiltzen. Irurita izan da seguru asko, oro har, mailari egokien eutsi diona partida osoan zehar. Ez du izugarrizko jokoa erakutsi, baina galdu ere gainontzekoek baino gutxiago egin du. Zubiriak, tanto zuriak eta… huts beltzak. Zubizarretak, berarentzat desegokia zen partida batean, gogoa bederen erakutsi du. Txalogarria ataundarraren jarrera. Berrizko Otaduik lanak izan ditu pilotalekuaren ezaugarrietara egokitzeko. Azkenean, Zubiria-Iruritak 22 Zubizarreta-Otaduik 18.

Continuar leyendo “Jokaldi bakan batzuk bai; partidarik ez”

Hiru pilotariren plazaratzea: Egiguren, Zubiria eta Irurita

Bikuña eta Egiguren
Iñigo Bikuña-Ioritz Egiguren bikoteak lehenbiziko partida irabazi egin dute.

Joan den asteko azken partidek bezalako amaiera izan dute astearte honetakoek ere.  Ioritz Egigurenek eta Iñigo Bikuñak nagusitasunez menderatu dituzte Garcia nafarra eta Ruiz errioxarra. Ez da espero bezain ona gertatu partida, hutsak ugari samar izan dira eta. Hala ere, pilotari bat nabarmentzekotan, Egiguren berrobiarra egin behar da. Berak egin eta desegin ditu egitekoak  eta desegitekoak. Bikuñak, aldian aldian, bere eskubi ederra astindu du, baina zenbait pilota aise galdu ditu. 22-11 bukatu da partida.

Continuar leyendo “Hiru pilotariren plazaratzea: Egiguren, Zubiria eta Irurita”

Peio Etxeberria eta Jon Olaizola, dominatzaile

Aurreneko partida didau batean erabaki da: 22-6, Peio Etxeberria eta Andoni Gaskueren alde, promesen mailan. Oso nagusitasun handiz menderatu dituzte Aierrako Patxi Etxegarai eta Ezkaraiko Altuzarra. Peio Etxeberriak jotako musikaren soinura ibili dira gainontzekoak dantzan. Hori bai, Gaskuek maila onekoa dela erakutsi du gaur ere. Aspaldian jokatu den partidarik laburrena: 19 minutuz behitikoa izan da.

Lehenbiziko partida laburra izan den moduan, bigarrenean gauzak asko estuago izan dira: 22-19 Elizalde Iturengoa eta Lesakako Olaizolaren alde. Oso partida burrukatua izan da, ikusleen gozamenerako. Edonork irabaz zezakeen gaurko lehia. Azkenean, ordea, Jon Olaizolaren esanera ibili dira Zubizarreta eta Arratibel. Ilusioz beterik etorri dira ataundarrak, baina…Olaizola sasoi eder eta betean harrapatu du Torneoak. Izerdi patsetan amaitu dute pilotariek, 45 minutu iraun duen partidan; gogorra izan da burruka.

Atseden garaia bigarren partidan

Atzo ere sarrera deigarria. Pilotak egoki aukeratuak guztiak. Eta ostegun honetan, ikuskizun gehiago Anituguako pilotalekuan.

HASIERA GUSTAGARRIA AURTENGO TXAPELKETARENA

Zertzelada sorta bat lehen partiduak marrazteko
Madariaga-Prieto bizkaitarrak
Nagusietan gaurko irabazleak: Madariaga-Prieto bizkaitarrak.

Gaurko partiden ezaugarri nagusia berdintasuna izan. Oso azken unean erabaki da zeintzu izango ziren irabazle eta zeintsu galtzaile.

Ez dira punta-puntako partidak izan,erabat borobilak, baina, oro har, gauza politak erakutsi dituzte protagonistek. Promesetan, Alberdi gauza asko egin nahi izan ditu, eta espero baino hutsegite gehiago egin du; tanto bikainak ere. Bigarrenen, une batez Adonis-Sarasa irabazle behar zutela pentsatu izan dugu, baina Prietok eraso-kontuetan ausarta dela erakutsi du, Madariagak ongi lagundurik. Continuar leyendo “HASIERA GUSTAGARRIA AURTENGO TXAPELKETARENA”

36 pilotari Antiguako 69.Pilota Txapelketan

Jesus Mari Rubiok aurreratu duenez, 36 pilotari izango dira aurtengo Txapelketan parte hartuko dutenak Antiguan, uztailaren 11tik abuztuara 27ra bitartean.

Antiguako txapelketa
Exposito Hodei eta Salaberria Iker. 2016. Beroketak egiten.

Aurreko urteetan baino kopuru txikiagoa da, eta horren arrazoia nahiko ezaguna da pilotazaleen artean. Azken bi urteotan amateur askori heldu zaio profesional mailara igotzeko aukera. Hamazazpi-hemezortzi bat badira gutxienez enpresen deia jaso dutenak.

Continuar leyendo “36 pilotari Antiguako 69.Pilota Txapelketan”

EKAINAREN 27an AURTENGO TXAPELKETAREN AURKEZPENA

Gero eta hurbilago daukagu txapelketa, eta ,urtero bezala, aurkezpena egingo da aurten ere. Ekainaren 27an, arratsaldeko 7etan hasiko da, Antiguako merkatuan. Ohitura duenez, Eneko Goiak, Donostiako Alkateak aurkezpenean parte hartzeko asmoa erakutsi du. Honekin batera, aurtengo xehetasun guztien berri ematea Jesus Mari Rubiok egingo du Antiguako Pilotazaleak elkartearen izenean.

Continuar leyendo “EKAINAREN 27an AURTENGO TXAPELKETAREN AURKEZPENA”