Jokaldi bakan batzuk bai; partidarik ez

Jaialdia amaitu denean, ikusitakoaz iritzia eskatu diote pilotazale bati. Bera erantzuna oso hitz gutxitan bil daiteke: −Tanto batzuk politak izan dira, baina ez dugu pulamentuzko partidarik ikusi. Pilotazale honena ez ezik, beste askorena ere horixe izan da. Jokaldiak bai, baina partidarik ez. Horixe gaurko leloa.

Otadui
Otadui berriztarrak ez du partida borobiltzerik lortu

Nagusien partidatik hasi ezkero, Zubiriak ezker-gantxo bikain batekin egin du bere hogeitabigarren tantoa. Jendeak txalo beroak eskaini dizkio, merezi bezala. Baina ale batek ez du aletegia osatzen. Jokaldi batek ez du partida borobiltzen. Irurita izan da seguru asko, oro har, mailari egokien eutsi diona partida osoan zehar. Ez du izugarrizko jokoa erakutsi, baina galdu ere gainontzekoek baino gutxiago egin du. Zubiriak, tanto zuriak eta… huts beltzak. Zubizarretak, berarentzat desegokia zen partida batean, gogoa bederen erakutsi du. Txalogarria ataundarraren jarrera. Berrizko Otaduik lanak izan ditu pilotalekuaren ezaugarrietara egokitzeko. Azkenean, Zubiria-Iruritak 22 Zubizarreta-Otaduik 18.

Continuar leyendo “Jokaldi bakan batzuk bai; partidarik ez”

Bidaniatik dator Elolaren notizia

Elola pilotaria
Elola bidaniarra, plazaratu aurretik, beretzat guztiz berria zen aldagelan.

Hemezortzi urte ditu Bidaniako mutilak; gaurko pilotari askoren antzera, Elola luzea da soinez. Eskuina bera baino hobeto astindu du ezkerrak. Txalo beroak izan dira eskaini zaizkionak. Oiartzungo Ekain Etxeberriak ere Antiguan aurten jokatu dituen partidetan borobilena gaurkoa izango zen seguruenera. Inoiz ez dute Mata-Ibarlozak partida entregatu, baina azkenean gipuzkoarrak gehiago zirela aitortu dute 22-13koarekin. Markagailuak ez du hutsik egiten gaur, bikoteen arteko joko-maila alde horrekin ikusi baita pilotalekuan.

Continuar leyendo “Bidaniatik dator Elolaren notizia”

Eta “Boli” triste joan da etxera

Lagun berria egin dut gaur arratsaldean, frontoian. “Boli” esaten diote etxekoek. Dotorea izatez gainera esanekoa da oso, ongi hezitakoa. Pilotariek tanto bixiren bat egin eta zaleek txalo jotzen zutenean, belarriak tente jartzen zitzaizkion, “zer gertatzen da hemen?” galderaren erantzun eske. Bigarren partiduan ongi sarturik geundela, Zubiria aurrelariak tanto bikain bat lortu du, ikusleen gozamenerako. Orduantxe entzun dira arratsalde osoko txalorik bizienak, sutsuenak. Eta “Boli” zintzoak bere poza ere erakutsi nahi izan du, zaunka gogotik eginez. Txaloen zarata itzali denean ere, zaunka eta zaunka jardun zaigu, harik eta nagusiak aski zela oihukatu dion arte. Zerbait berezia sentituko zuen Bolik, bibrazio ezohikoak.

Continuar leyendo “Eta “Boli” triste joan da etxera”

Giroak narrastutako arratsaldea

Exposito-Zezeaga
Arratsaldeko lehen partida

Bostak jo berriak ziren, eta guztiz ilundu du zerua. Zenbat euri bota behar ote zuen, jakin nahi zuten pilotazaleek, eta ibilian-ibilian bete egin da iragarpena. Une batez gogotik bota du, zarra-zarra. Giroaren okertzeak bi ondorio ekarri ditu. Pilotazale zenbait etxean geratu dela arratsalde erosoagoak, atseginagoak izango diren ustetan. Bai, aurtengo sarrerarik juxtuena izan da astelehen honetakoa. Bestalde, eguraldiaren pilotarien jokoari kalte egin dio. Ezin esango dugu bi partida borobil ikustea egokitu zaigunik. Oso antzekoak gertatu dira biak ala biak, nola jokoz hala emaitzaz. Eta iraupenez ere oso antzeko gertatu dira biak ala biak.

Continuar leyendo “Giroak narrastutako arratsaldea”

Antso-Arangurenek kartak erakutsi dituzte. Bigarren puntua Prieto-Madariagak

Antso eta Aranguren
Antso eta Aranguren, partiduari ekin aurretik.

Ez dago zalantzarik. Aurtengo faborituen artean daude Antso eta Aranguren.  Lehen partidan aise samar nagusitu zaizkie Mata eta Ibarlozari: 22-12. Antsok arerio gogorrak behar ditu bere maila erakusteko. Gaur ez du horrelakorik izan. Aitor Aranguren iazkoa baino  joko askozaz hobeagoarekin plazaratu da aurten Antiguan. Gainditu  du iazko motelaldia. Hasiera batean Mata-Ibarlozak  estutuko zituztela zirudien, baina ez da inondik horrelakorik gertatu. Markagailuak zintzo islatzen du pilota-plazan gertatu dena.

Continuar leyendo “Antso-Arangurenek kartak erakutsi dituzte. Bigarren puntua Prieto-Madariagak”

HASIERA GUSTAGARRIA AURTENGO TXAPELKETARENA

Zertzelada sorta bat lehen partiduak marrazteko
Madariaga-Prieto bizkaitarrak
Nagusietan gaurko irabazleak: Madariaga-Prieto bizkaitarrak.

Gaurko partiden ezaugarri nagusia berdintasuna izan. Oso azken unean erabaki da zeintzu izango ziren irabazle eta zeintsu galtzaile.

Ez dira punta-puntako partidak izan,erabat borobilak, baina, oro har, gauza politak erakutsi dituzte protagonistek. Promesetan, Alberdi gauza asko egin nahi izan ditu, eta espero baino hutsegite gehiago egin du; tanto bikainak ere. Bigarrenen, une batez Adonis-Sarasa irabazle behar zutela pentsatu izan dugu, baina Prietok eraso-kontuetan ausarta dela erakutsi du, Madariagak ongi lagundurik. Continuar leyendo “HASIERA GUSTAGARRIA AURTENGO TXAPELKETARENA”

“Urrats bat aurrera”

Beñat Garmendia
Beñat Garmendia, Beasain

Azken aldian galanki erabili den mezua da “urrats bat aurrera” eman behar dela eskatzen duena. Antolatzaileoi ere sarritan egiten digute galdera hau: zer eskatzen diezue aurten parte hartu behar duten pilotariei? Eta eslogan horretara jotzen dugu erantzuteko. Batetik, pilotariek urrats bat aurrera emateko modua izan dezatela Antiguan. Bestetik, erakutsi diezagutela urrats bat aurrera eman dutela…egin dutela, geroz eta pilotariago direla. Iaz baino eginagoak, alegia.

Continuar leyendo ““Urrats bat aurrera””

36 pilotari Antiguako 69.Pilota Txapelketan

Jesus Mari Rubiok aurreratu duenez, 36 pilotari izango dira aurtengo Txapelketan parte hartuko dutenak Antiguan, uztailaren 11tik abuztuara 27ra bitartean.

Antiguako txapelketa
Exposito Hodei eta Salaberria Iker. 2016. Beroketak egiten.

Aurreko urteetan baino kopuru txikiagoa da, eta horren arrazoia nahiko ezaguna da pilotazaleen artean. Azken bi urteotan amateur askori heldu zaio profesional mailara igotzeko aukera. Hamazazpi-hemezortzi bat badira gutxienez enpresen deia jaso dutenak.

Continuar leyendo “36 pilotari Antiguako 69.Pilota Txapelketan”

ZAZPI MILA ALE IZANGO DITU HURRENGO ALDIZKARIAK

Txapelketako aldizkaria
69. pilota txapelketako portada

Dagoeneko inprimategian daude hurrengo aldizkariak eskainiko dituen edukiak, nola idatziak ala publizitateak.

Okerrik ez dela, ekainaren 27rako prest edukiko dugu. Hogeita bi osagarri izango ditu aldizkariak.

Pilotari nahiz delegatuentzat interesgarria izango da hurrengo alea, bere orrialdeetan ikusiko baitute nola gauzatuko den aurtengo Antiguako Txapelketa: bikoteak, egutegia…

Continuar leyendo “ZAZPI MILA ALE IZANGO DITU HURRENGO ALDIZKARIAK”

FANDIÑO, DEL FRONTON AL RUEDO

 

Leiza: “Iván era muy bueno como pelotari, si hubiese seguido…”
Iñigo Leiza guarda muchos y buenos recuerdos de sus duelos en el frontón con Fandiño. El de Lemoa no olvida una anécdota que habla del genio que el de Orduña ya mostraba cuando vestía de blanco y que ahora mantiene en el ruedo: “Jugábamos una final del Arratia-Nervión en Orduña y Xabi (Galarza VI) y yo ganamos por un tanto. El último tanto nuestro fue un fallo de Iván y recuerdo cómo se quitó la zapatilla y la lanzó. Tenía mala leche”.

La impresión que le ha quedado grabada a Leiza de Fandiño en aquella época era la de un zaguero que prometía: “Era muy bueno. Tenía dos buenas manos , sobre todo con la derecha le pegaba fuerte. Era peleón. Iván era el que marcaba la pauta en la pareja de Orduña. Si hubiese seguido jugando, quién sabe…”. Además de talento para la pelota y para los toros, como luego quedó demostrado, también lo tenía para la música. “Solía tocar la trikitixa después de las finales”, recuerda Iñigo.

Leiza y Fandiño forjaron en aquellos años una amistad que, pese a la distancia y al tiempo transcurrido, se mantiene. “El año pasado fui a verle torear a Bilbao, más que nada por él, porque a mí no me gustan los toros”, confiesa el delantero de Lemoa. Continuar leyendo “FANDIÑO, DEL FRONTON AL RUEDO”