Antso-Arangurenek bigarren puntua lortu dute eta Murgiondo-Aizpuruk lehenbizikoa

Enaitz Antso
Enaitz Antso, Oronoz-Mugaireko aurrelaria.

Antsok eta Arangurenek partidua irabazi  (22-18) eta berahala, Julen Alberdi azpeitiarrarekin ari ginen solasean. Jokatu berria zuten partidaz iritzia eskatu eta hori baino iragarpen handiagoa egin zigun: −“Hauetxek dituzue aurtengo txapeldunak”. Hitz horien entzun egin zituen Aranguren agiñarrak eta honen erantzuna: −“Asko geratzen duk horretarako”. Iragarpenarekin asmatu ala ez, faborito nagusiak ez direnik ezin uka. Bikote sendoa osatzen dute maila honetarako, eta eskarmentuz beterikoa. Hasi, egurrean hasi ziren: 12-2. Poliki poliki Alberdi-Etxeberria jokoan sartu eta nahiko estu hartu zituzten une batez, baina garaipena Antso-Arangurenek eraman zuten azkenean.

Continuar leyendo “Antso-Arangurenek bigarren puntua lortu dute eta Murgiondo-Aizpuruk lehenbizikoa”

Hiru pilotariren plazaratzea: Egiguren, Zubiria eta Irurita

Bikuña eta Egiguren
Iñigo Bikuña-Ioritz Egiguren bikoteak lehenbiziko partida irabazi egin dute.

Joan den asteko azken partidek bezalako amaiera izan dute astearte honetakoek ere.  Ioritz Egigurenek eta Iñigo Bikuñak nagusitasunez menderatu dituzte Garcia nafarra eta Ruiz errioxarra. Ez da espero bezain ona gertatu partida, hutsak ugari samar izan dira eta. Hala ere, pilotari bat nabarmentzekotan, Egiguren berrobiarra egin behar da. Berak egin eta desegin ditu egitekoak  eta desegitekoak. Bikuñak, aldian aldian, bere eskubi ederra astindu du, baina zenbait pilota aise galdu ditu. 22-11 bukatu da partida.

Continuar leyendo “Hiru pilotariren plazaratzea: Egiguren, Zubiria eta Irurita”

Antso-Arangurenek kartak erakutsi dituzte. Bigarren puntua Prieto-Madariagak

Antso eta Aranguren
Antso eta Aranguren, partiduari ekin aurretik.

Ez dago zalantzarik. Aurtengo faborituen artean daude Antso eta Aranguren.  Lehen partidan aise samar nagusitu zaizkie Mata eta Ibarlozari: 22-12. Antsok arerio gogorrak behar ditu bere maila erakusteko. Gaur ez du horrelakorik izan. Aitor Aranguren iazkoa baino  joko askozaz hobeagoarekin plazaratu da aurten Antiguan. Gainditu  du iazko motelaldia. Hasiera batean Mata-Ibarlozak  estutuko zituztela zirudien, baina ez da inondik horrelakorik gertatu. Markagailuak zintzo islatzen du pilota-plazan gertatu dena.

Continuar leyendo “Antso-Arangurenek kartak erakutsi dituzte. Bigarren puntua Prieto-Madariagak”

Peio Etxeberria eta Jon Olaizola, dominatzaile

Aurreneko partida didau batean erabaki da: 22-6, Peio Etxeberria eta Andoni Gaskueren alde, promesen mailan. Oso nagusitasun handiz menderatu dituzte Aierrako Patxi Etxegarai eta Ezkaraiko Altuzarra. Peio Etxeberriak jotako musikaren soinura ibili dira gainontzekoak dantzan. Hori bai, Gaskuek maila onekoa dela erakutsi du gaur ere. Aspaldian jokatu den partidarik laburrena: 19 minutuz behitikoa izan da.

Lehenbiziko partida laburra izan den moduan, bigarrenean gauzak asko estuago izan dira: 22-19 Elizalde Iturengoa eta Lesakako Olaizolaren alde. Oso partida burrukatua izan da, ikusleen gozamenerako. Edonork irabaz zezakeen gaurko lehia. Azkenean, ordea, Jon Olaizolaren esanera ibili dira Zubizarreta eta Arratibel. Ilusioz beterik etorri dira ataundarrak, baina…Olaizola sasoi eder eta betean harrapatu du Torneoak. Izerdi patsetan amaitu dute pilotariek, 45 minutu iraun duen partidan; gogorra izan da burruka.

Atseden garaia bigarren partidan

Atzo ere sarrera deigarria. Pilotak egoki aukeratuak guztiak. Eta ostegun honetan, ikuskizun gehiago Anituguako pilotalekuan.

HASIERA GUSTAGARRIA AURTENGO TXAPELKETARENA

Zertzelada sorta bat lehen partiduak marrazteko
Madariaga-Prieto bizkaitarrak
Nagusietan gaurko irabazleak: Madariaga-Prieto bizkaitarrak.

Gaurko partiden ezaugarri nagusia berdintasuna izan. Oso azken unean erabaki da zeintzu izango ziren irabazle eta zeintsu galtzaile.

Ez dira punta-puntako partidak izan,erabat borobilak, baina, oro har, gauza politak erakutsi dituzte protagonistek. Promesetan, Alberdi gauza asko egin nahi izan ditu, eta espero baino hutsegite gehiago egin du; tanto bikainak ere. Bigarrenen, une batez Adonis-Sarasa irabazle behar zutela pentsatu izan dugu, baina Prietok eraso-kontuetan ausarta dela erakutsi du, Madariagak ongi lagundurik. Continuar leyendo “HASIERA GUSTAGARRIA AURTENGO TXAPELKETARENA”

“Urrats bat aurrera”

Beñat Garmendia
Beñat Garmendia, Beasain

Azken aldian galanki erabili den mezua da “urrats bat aurrera” eman behar dela eskatzen duena. Antolatzaileoi ere sarritan egiten digute galdera hau: zer eskatzen diezue aurten parte hartu behar duten pilotariei? Eta eslogan horretara jotzen dugu erantzuteko. Batetik, pilotariek urrats bat aurrera emateko modua izan dezatela Antiguan. Bestetik, erakutsi diezagutela urrats bat aurrera eman dutela…egin dutela, geroz eta pilotariago direla. Iaz baino eginagoak, alegia.

Continuar leyendo ““Urrats bat aurrera””

36 pilotari Antiguako 69.Pilota Txapelketan

Jesus Mari Rubiok aurreratu duenez, 36 pilotari izango dira aurtengo Txapelketan parte hartuko dutenak Antiguan, uztailaren 11tik abuztuara 27ra bitartean.

Antiguako txapelketa
Exposito Hodei eta Salaberria Iker. 2016. Beroketak egiten.

Aurreko urteetan baino kopuru txikiagoa da, eta horren arrazoia nahiko ezaguna da pilotazaleen artean. Azken bi urteotan amateur askori heldu zaio profesional mailara igotzeko aukera. Hamazazpi-hemezortzi bat badira gutxienez enpresen deia jaso dutenak.

Continuar leyendo “36 pilotari Antiguako 69.Pilota Txapelketan”

EKAINAREN 27an AURTENGO TXAPELKETAREN AURKEZPENA

Gero eta hurbilago daukagu txapelketa, eta ,urtero bezala, aurkezpena egingo da aurten ere. Ekainaren 27an, arratsaldeko 7etan hasiko da, Antiguako merkatuan. Ohitura duenez, Eneko Goiak, Donostiako Alkateak aurkezpenean parte hartzeko asmoa erakutsi du. Honekin batera, aurtengo xehetasun guztien berri ematea Jesus Mari Rubiok egingo du Antiguako Pilotazaleak elkartearen izenean.

Continuar leyendo “EKAINAREN 27an AURTENGO TXAPELKETAREN AURKEZPENA”

INOIZ GERTATU OTE DA ANTZEKORIK?

Iñaxio Errandonea (Aspe), Salaverri profesionala gaur egun, Zubizarreta ataundarra profesional izatea deitua, eta Rafa Etxeberria (Asegarce), iazko final egunean.

Maiatzaren 27an jokatu zuen Donibane Garaziko ETCHEGOIN pilotariak lehen partida profesionaletan. Aimar Olaizolaren laguntza onarekin aise irabazi zuen Iñakik partida hori −22/8−, Victor eta Beroizen aurka. Izan bitza horrelako garaipenak Iparraldeko profesional berriak, eta Asegarce enpresarekin jardungo du. Bestalde, Asperekin hasiko dena Adur LASA nafarra da. Honek egun gutxi barru egingo omen du debuta. Honi ere ibilbide on-ona opa diogu maila berrian, nola ez.

Continuar leyendo “INOIZ GERTATU OTE DA ANTZEKORIK?”

EMAKUMEZKOEN TXAPELKETA LEHENDABIZIKOZ ANTIGUAN

Esaten dute, animaliarik handienak ez baino egoera berrietara egokitzen direnak aurrera egiten dute oihanean, nahiz eta txikiak izan. Horrelako zerbait gertatzen da Antiguako Txapelketarekin ere. Aurtengoarekin 69.urtera doa Gipuzkoako txapelketa guztien artean urtetsuena den hau. Arrazoia  begien bistan dago. Besteak beste, aldi berrietara moldatzen jakin duelako.

Bidezidor horretan,2017ko lehiaketak urrats berria emango du garaiak eskatzen duenera egokitzeko. Emakumezkoen txapelketa jokatuko da lehendabizikoz. Batzorde batek aukeratutako lau hoberenak jardungo dira Antiguako pilotalekuan. Banakako txapelketa izango da. Abuztuaren 23 eta 24an jokatuko diren finalerdietan ezagutuko ditugu finalistak. Continuar leyendo “EMAKUMEZKOEN TXAPELKETA LEHENDABIZIKOZ ANTIGUAN”