¿INSINÚAN ALGO LOS DATOS?

El próximo martes, día 10, se inicia una nueva edición del Torneo del Antiguo. Los partidos, como es costumbre, darán comienzo a las 7 de la tarde. Hemos prestado atención al dato de los inscritos:

-LA RIOJA: Jorge Sánchez.

-BIZKAIA:  Gaizka Carregal,  Oier Etxebarria, Uriondo, Ibarloza, Josu Agirreamalloa y Jokin Barturen.

Continuar leyendo “¿INSINÚAN ALGO LOS DATOS?”

Lehen astea

Eneko Labaka
Eneko Labaka da aurtengo faboritoetakoa.

 

Hemendik egun gutxira hasiko zaigu Txapelketa. Aurreneko asteko partidak apartak dira guztiak ere. Ezagunak  izango dira pilotari asko, baina aurpegi berriak ere hor daude. Txapeldunak badaude, eta txapela behatz-puntuan edukitakoak ere. Hona hemen aste osoko programa.

 

Asteartea, uztailak 10

Promesetan: Carregal-Osa, Murua-Elizegiren aurka.

Nagusietan: Eneko Labaka-Bikuña, Ioritz Egiguren-Garmendiaren aurka

Continuar leyendo “Lehen astea”

ALDIZKARI BERRIA PRESTATZEN

Aimar Olaizola eta Abel Barriola, 1995ean, Antiguon.

Dagoeneko nahiko aurreratua dago ekainaren 26an aurkeztuko den aldizkariaren mamia. 70. Txapelketa izango denez, joan diren urteei begiratuko die zenbaki berriak, eta besteak beste, argazki zaharrei. Horien artean dago Aimar Olaizolari eta Abel Barriolari 1995ean hartu zitzaien hau. Askok ezagutzen dute, baina balio handikoa dela pentsatzen dugu. Leitzako atzelaria joan den urtean erretiratu zen, eta Goizuetako aurrelariak ez du esan azken hitza pilotalekuetan. Buruz burukoa jokatzera doa Jokin Altunaren kontra. Eta saiatuko da beste txapela bat janzten.

 

Continuar leyendo “ALDIZKARI BERRIA PRESTATZEN”

ZENBAT PELOTARI BERRI AURTEN GURE TXAPELKETAN?

Hodei Exposito
Pilotazale askok ikusi nahi dute Hodei Exposito aurtengo txapelketan.

70.urtea egingo duen txapelketa hurbildu ahala, gero eta gehiago dira parteartzaileei buruz galdetzen digutenak. Batez ere aurpegi berriei buruzko jakinmina dute gehienek. Zenbat izango ote dira berriak? Oso galdera zehatzak egiten dituztenak era badira euren artean: Oliden oriotarrak jokatuko ote du? Eta Astizek? Mariezkurrenatarrak etorriko ote dira? Eta Elízegi? Normala da pilotazaleak kezka horiek izatea, urtero izaten baitira pilotari berriak Antiguan. Bai, jokalari berriak ikusizale da Antiguako pilotalekura etortzen dena.

Continuar leyendo “ZENBAT PELOTARI BERRI AURTEN GURE TXAPELKETAN?”

ARANTZA TXIKI BAT

Beñat Rezusta
Beñat Rezusta

Aurtengo bi-bitako txapelketan finalera Ezkurdia-Zabaleta eta Elezkano II-Rezusta ailegatu dira. Ordu erdi bat hartu dugu finalistok Antiguoko Txapelketan zer nolako arrastoa utzi zuten ikusteko.

Guztietan nagusitzen dena Beñat Rezusta da. Gure txapelketari buruzko oroitzapenik gozoena berea izan beharko du. Izan ere, bi maila ezberdinetan iritsi baita txapela janztera. 2011koan, Gaillurrale aurrelari zuela, Artola-Santxo bikoteari 22-18 nagusitu zitzaion gazteen mailan. Hurrengo urtean, nagusien mailan, Xabier Urbietarekin, Garralda-Lizoain nafarrei gailendu zitzaien: 22-9. Bikote gogorra zen nafarra, baina erabat mendean hartu zituzten Urbieta-Rezustak.

Continuar leyendo “ARANTZA TXIKI BAT”

Migel Gallastegi, Aieteko Katxolako txotx-festan

Eguraldia ez zen izugarria martxoaren 17an; haizea indarrean, zerua guztiz beltza, eta aldian behin kazkabarra ere bai…Halaz guztiz, emandako hitza bete egin zuen Migel Gallastegik eta Katxola baserri izandakoan txotx-festan izan genuen eibartarra. Ospakizun samurra, atsegina izan zen alde guzietatik begiratuta ere: hitz dotoreak, bertso ederrak, trikiti-aire biziak… Miresmena eta esker oneko hitzak Migelenentzat. Giro atsegin hartan, Migel bera ere hiztun aritu zitzaigun, kontakizun zaharrak grazi ederrez berrituz. Dotoreak guztiak ere.

Katxola baserrian geundelarik, bere jaiotetxeaz hitz egin zigun, Arrateko Asoliartza baserriaz alegia. Etxe ederragorik, Migelen ustez! Baina, hizpide nagusia pilota izan zen, noski. Eta Mondragoeko Ezkerraren aurka jokatutakoaz hitz egin zigun. Sekula jokatu den partidarik ederrena, ezkerka. Bere ustez, 22-16 irabazi omen zion Zurdo de Mondragon handiari.

Continuar leyendo “Migel Gallastegi, Aieteko Katxolako txotx-festan”

UZTAILAREN 10EAN HASIKO DA TXAPELKETA AURTEN

Horrez gainera erabakirik dago noiz amaituko den 70. Txapelketa: abuztuaren 26an. Beraz, hasiera eta akabera noiz izango diren adostu ondoren, egutegi osoa zertan geratuko den agertu nahi dugu gaur. Azken urteotan bezala 19 jaialditan erabakiko da txapelketa.

                Egunak

Uztailean:          10-11-12

                                               17-18-19

                                               24-25-26

Continuar leyendo “UZTAILAREN 10EAN HASIKO DA TXAPELKETA AURTEN”

ANTIGUON HASI DIRA 70. PILOTA TXAPELKETA PRESTATZEN

Zenbaki borobilarekin hasiko da aurtengo txapelketa Antiguon, hirurogeita hamar urte betetzera doa eta. Maila horretara, urte horietara iritsi den txapelketaz gauza asko esan daiteke, eta esan behar lukete batzuek: agintariek, pilotariek, pilotazaleek…Udako egunak joan eta udako egunak etorri, pilota-plaza aparta izan da Antiguokoa. Hori egia berdaderoa dela esateko ez zaio buruari pentsatzen utzi behar, eta ezta ere bihotzari sentitzen. Kuaderno xaharrari begiratu behar zaio,  eta urtez urte Antiguon zenbat pilotari plazaratu den ikustea komeni da.

Continuar leyendo “ANTIGUON HASI DIRA 70. PILOTA TXAPELKETA PRESTATZEN”

​Egiguren-Bikuñak eta P.Labaka-Garmendiak bidea galanki erraztu

Egiguren-Bikuñak 22

Expósito-Cordónek 8

P.Labaka-Garmendiak 22

Prieto-Madariagak 16

Pilotazaleak egiazko finalerdi bat ikusi nahi zuen, hots, lana gogotik egin beharra, berriketa gutxi, tantoa menderatutakoan bakarrik gauza ausartak egitea…Bide horretatik joan da lehenbiziko partida. Hori horrela, Egiguren-Bikuñak erabat argi eta garbi ekarri duten euren egitekoa. Ahal izan ezkero, pilota Pablo Cordonén barrutian jarri behin eta berriz, eta bide batez Exposito baztertu. Hortik puskatu da hasiera hasieratik partida. Atzeko hormaren kontra jokatu behar izan duela adierazi digu Cordónek, eta handik ez zeukala gisazko lana egiteko modurik.  Gaurko partidua zela eta, ez dira memelokerietan erori, ez Egiguren tolosarra eta ez Bikuña donostiarra. Ongi ikasitako lezioarekin, pinbi-panba beti atzera joan…22ko geltokira iritsi arte.
Bigarren partidan nabarmendu den pilotari bat egin behar izan ezkero, Beñat Garmendiaren partida azpimarratu beharko genuke. Ez du parte-hartze disdiratsu horietako erakutsi baina, bere galoi eta guzti azaldu da plazan. “Asko jokatu beharko duzue, irabaztekotan” esanez bezala. Horren frutua izan da hasierako abiada, eta partida oso aldeko edukitzea lortu dute berehala. Ez ditu, ordea, loak hartu bizkaitarrak eta hamabosgarren tanto inguruan ez zitzaion irabazle garbirik ikusten partidari. Urak bere bidera ekartzea lortu Labaka-Garmendia bikoak azkenean, eta meritu osoz egin dira gaurko garaipenaren jabe. Markagailuak zintzo erakusten du kantxan egon den martxa, ets baita nagusitasuna ere.

Jendez, ikusle-kopuruz gustora antolatzaileak. Aurtengo sarrerarik onena: 450tik gora, oker handirik gabe. Hurrengo astearte-asteazkena ere interesez beterik datoz

Garmendia-P. Labaka, gaur arratsaldean, plazaratu aurretik

Antso-Aranguren eta Zubiria-Irurita, finalari begira

Enaitz Antso
Enaitz Antsok etxeko lanak egin ditu finalean parte hartzeko.

Antso-Arangurenek 22

Picote-Gaskuek 9

 

 Zubiria-Iruritak 22

Salaberria-Sánchezek 17

Serio eta beltz lan egin behar izan dute nola Zubiriak hala Iruritak bigarren puntuaren jabe egiteko. Oso modu erosoan ekin diote partidari eta aise joan dira 8-2ra; aisegi. Handik aurrera ailegatu zaizkie bide aldapatsuak, ia ustekabean. Zortzigarrenean parekatu ondoan, bederatzigarren tantotik hamalaukora Salaberria eta Sanchez izan dituzte aurretik. Eta bazirudien, gainera, Iruritak aurten erakutsi duen mottelaldirik handienak mendean hartu behar zuela. Ez da, ordea, horrelakorik gertatu. Ardatza eskuetan hartu eta poliki poliki nahi zuten bidean jartzea lortu dute Berrobiko aurrelariak  eta Lantzeko pilotari honek.

Continuar leyendo “Antso-Aranguren eta Zubiria-Irurita, finalari begira”